ບໍລິສັດ ລາວເທບຈະເລີນປະກັນໄພ ສາຂາພາກເໜືອ ມອບອາຫານ ແລະ ນ້ຳດື່ມໃຫ້ໂຮງຮຽນ ເດັກກຳພ້າ ເນື່ອງໃນໂອກາດວັນແມ່ຍິງສາກົນຄົບຮອບ 114ປີ ລວມມູນຄ່າ 16,000,000ກີບ
ວັນທີ່ 6 ມີນາ 2024 ນີ້ ທີ່ໂຮງຮຽນເດັກກ່ຳພ້າ ຫຼວງພະບາງ ໄດ້ຮັບການຢ້ຽມຢາມ ຂອງ ບໍລິສັດ ລາວເທບຈະເລີນປະກັນໄພ ສາຂາພາກເໜືອ ນຳໂດຍ ທ່ານ ສີທຸຍ ໄຊຍະສິດ ຫົວໜາ ສາຂາພາກເໜືອ ບໍລິສັດລາວເທບຈະເລີນປະກັນໄພ ພ້ອມດ້ວຍທິມງານພາຍໃນບໍລິສັດ, ແລະ ໄດ້ໃຫ້ການຕ້ອນຮັບດ້ວຍຄວາມອົບອຸ່ນ ໂດຍທ່ານ ຈັນທອນ ເພັງພະຈັນ ອຳນວຍການໂຮງຮຽນເດັກກ່ຳພ້າ, ຄຸ-ອາຈານ ແລະ ນ້ອງນັກຮຽນພາຍໃນໂຮງຮຽນເຂົ້າຮ່ວມ.
ໂອກາດການສະເຫຼີມສະຫຼອງ ວັນແມ່ຍັງສາກົນຄັ້ງນີ້ ທ່ານ ສີທຸຍ ໄຊຍະສິດ ຫົວໜ້າສາຂາພາກເໜືອ ແຂວງຫຼວງພະບາງ ບໍລິສັດ ລາວເທບຈະເລີນປະກັນໄພ ໄດ້ລົງເຜີຍແຜ່ບັນດາຜະລິດຕະພັນທົ່ວໄປ ແລະ ປະກັນໄພຊີວິດ, ຂໍ້ມຸນຕ່າງໆທີ່ມີຄວາມໝາຍຄວາມສຳຄັນຂອງປະກັນໄພລາວເທບຈະເລີນຕໍ່ຄູ-ອາຈານພາຍໃນໂຮງຮຽນ ໄດ້ຮັບຮູ້ ແລະ ເຂົ້າໃຈໂດຍຫຍໍ້ ນອກນັ້ນທາງບໍລິສັດຍັງໄດ້ມອບຄວາມສູກເລັກໆນ້ອຍໆຕໍ່ໂຮງຮຽນເດັກກ່ຳພ້າ ໂດຍສະເພາະກໍ່ຄືນ້ອງນັກຮຽນພາຍໃນໂຮງຮຽນ ເຊີງທາງບໍລິສັດໄດ້ນຳເອົາອາຫານ ປະເພດເຂົ້າກ່ອງ ຈຳນວນ 400 ກ່ອງ ແລະ ນ້ຳດື່ມ ຈຳນວນ 20 ແພັກ ລວາມມູນຄ່າທັງໝົດ 16,000,000 ກີບ ນຳມາແຈກ ໃຫ້ກັບໂຮງຮຽນ ເດັກກ່ຳພ້າຫຼວງພະບາງ ເນື່ອງໃນໂອກາດວັນສຳຄັນ ກໍ່ຄືວັນແມ່ຍິງສາກົນ ຄົບຮອບ 114 ປີ ທີ່ໄດ້ໝຸນວຽນມາບັນຈົບອີກວາລະໜຶ່ງ, ພ້ອມນີ້ຍັງເປັນການສ້າງຄວາມສູກ ແລະ ຮອຍຍິ້ມໃຫ້ນ້ອງນັກຮຽນໄດ້ມີຄວາມເບີກບານແຈ່ມໃສ.
ຕໍ່ໂອກາດການຢ້ຽມຢາມຂອງບໍລິສັດ ລາວເທບຈະເລີນປະກັນໄພ ສາຂາພາກເໜືອຄັ້ງນີ້ ທ່ານ ຈັນທອນ ເພັງພະຈັນ ອຳນວຍການໂຮງຮຽນ ເດັກກ່ຳພ້າ ໄດ້ກ່າວຂອບອົກຂອບໃຈເປັນຢ່າງຍິ່ງ ຕໍ່ທ່ານ ສີທຸຍ ໄຊຍະສິດ ຫົວໜ້າສາຂາພາກເໜືອ ບໍລິສັດລາວເທບຈະເລີນປະກັນໄພ ພ້ອມດ້ວຍທິມງານ ທີ່ເຫັນໄດ້ຄວາມສຳຄັນ ແລະ ເປັນຫ່ວງເປັນໄຍ ຕໍ່ນ້ອງນັກຮຽນ, ພ້ອມທັງໃຫ້ການສະໜັບສະໜູນຊຸກຍູ້ສົ່ງເສີມໂຮງຮຽນ ກໍ່ຄືນ້ອງນັກຮຽນໄດ້ມີຄວາມສຸກ, ມີຄວາມເບີກບານມ່ວນຊື່ນ ແລະ ຮອຍຍີ້ມອັນໜ້າປະທັບໃຈ ທີ່ບໍລິສັດລາວເທບຈະເລີນປະກັນໄພນຳມາມອບໃຫ້ໃນຄັ້ງນີ້, ນອກນັ້ນທ່ານອຳນວຍການໂຮງຮຽນກໍ່ໄດ້ອວຍພອນຕໍ່ບໍລິສັດລາວເທບຈະເລີນປະກັນໄພ ຈັງປະສົບພົບພໍ້ແຕ່ສິ່ງດີງາມ ມີຄວາມຈະເລີນຮັ່ງມີຂື້ນຢ່າງບໍ່ຢຸດຢັ້ງ ແລະ ໃຫ້ການສະໜັບສະໜູນທາງໂຮງຮຽນເດັກກ່ຳພ້າໃນຕໍ່ໜ້າ.
March 06 Wed, 2024